Гэта штогадовы турнір, у якім бяруць удзел футбалісты клуба, кіраўніцтва, заўзятары, журналісты і партнёры клуба.
Першыя гульні турніру стартуюць а 12:40, збор для ўдзельнікаў — а 12:00. Матчы будуць праходзіць на стадыёне ДНК Нацыі (вул. Сярова, 18).
Кожны матч будзе доўжыцца 20 хвілін (2 таймы па 10 хвілін кожны), а каманды мусяць складацца з 5 палявых гульцоў і брамніка. Удзельнікі атрымаюць памятныя прызы, а пераможцы — Кубак Крумкачоў 🏆
Каб адправіць заяўку на ўдзел у турніры за каманду заўзятараў, запоўніце гугл-форму па спасылцы. Першачарговае права атрымаюць уладальнікі сезонных абанементаў, але шанец згуляць на турніры ёсць у кожнага з вас!
Калі ж вы маеце сваю каманду і хочацце заявіцца адразу цэлай зграяй, то для вас ёсць асобная гугл-форма, якая таксама чакае вас па спасылцы.
Зарэгістраваць сябе ці сваю каманду вы можаце да 9 ліпеня ўключна. Па любых пытаннях смела пішыце нам.
А калі вы не надта любіце гуляць у футбол — запрашаем пазаўзець і правесці час у цудоўнай кампаніі самых блізкіх клубу людзей. Чакаем вас!
