Абаронцы Данііл Волкаў, Яўген Гардзейчык, Алег Крот, Павел Рацкевіч, Ілля Сугакоў, паўабаронцы Уладзіслаў Корзун, Уладзіслаў Хамутоўскі, нападнік Іван Каленскі – будуць выступаць за «Крумкачы» ў сезоне-2023.
Данііл нарадзіўся 8 лютага 2001 года. З 2011 па 2019 гады ўваходзіў у структуру салігорскага “Шахцёра”. У 2019 годзе правёў два матчы за дублюючыя склады салігорскай каманды і 10 матчаў за каманду U-18. У 2021 годзе выступаў за “Маладзечна-2018” у другой лізе на пазіцыі абаронцы. У мінулым сезоне правёў за «Крумкачы» 27 матчаў, забіў 2 галы.
Яўген Гардзейчык нарадзіўся 9 ліпеня 2002 года. Сезон-2021 правёў у складзе футбольнага клуба “Смалявічы” ў другой лізе Мінскага дывізіёна, за які правёў 18 матчаў. У мінулым сезоне правёў за “Крумкачы” 10 матчаў на пазіцыі цэнтральнага абаронцы.
Алег Крот нарадзіўся 12 лютага 1997 года ў Слуцку. Выступаў за «Вікторыю» (Мар’іна горка) з 2019 па 2020 гг. У сезоне-2021 гуляў у слуцкім «Спартаку» ў другой лізе, правёў 11 матчаў і 4 разы адзначыўся забітымі галамі. У мінулым сезоне правёў за “Крумкачы” 5 матчаў.
Абаронца Павел Рацкевіч нарадзіўся 12 верасня 2002 г. З’яўляецца выхаванцам ДЮСШ Агракамбінат Сноў. З 2016 года выступаў за дублюючы склад «Гарадзеі», за які правёў 24 матчы. З другой паловы сезона-2021 выступаў за БДУ ў Другой лізе, у сезоне-2022 за іх жа правёў 3 матчы ў чэмпіянаце і 1 матч у Кубку. Далучыўся да «Крумкачоў» у другой палове 2022 года, правёў 13 матчаў.
Абаронца Ілля Сугакоў нарадзіўся 20 траўня 2004 г. Выхаванец мінскага «Дынама». Гуляў за юнацкія каманды «Дынама», у першай палове сезона-2022 выступаў за каманду «Дынама-Мінск» U-18 (2004 г.н.) у першынстве сярод юнакоў, правёў 15 матчаў, забіў 2 галы. Далучыўся да «Крумкачоў» у другой палове 2022 года, правёў 11 матчаў.
Паўабаронца Улад Корзун нарадзіўся 18 кастрычніка 2002 года ў Мінску. Выхаванец футбольнай школы Мікалая Мурашкі (ФШМ). У 2020 годзе перайшоў у «Смалявічы», дзе правёў 20 матчаў за дублюючы склад клуба. У 2021 годзе выступаў за “Фалько” ў другой лізе, правёў 17 матчаў. У мінулым сезоне правёў за “Крумкачы” 10 матчаў.
Уладзіслаў Хамутоўскі нарадзіўся 8 лістапада 2003 года. У сезоне-2019 і 2020 выступаў за юнацкія каманды “Славіі-Мазыр”. У 2021 годзе выступаў за клуб «Мантажнік» у другой лізе Гомельскага дывізіёна. Правёў за «Мантажнік» 15 матчаў на пазіцыі абаронцы. У мінулым сезоне правёў за “Крумкачы” 13 матчаў.
Іван Каленскі нарадзіўся 28 кастрычніка 2003 года. Іграе на пазіцыі нападаючага, выхаванец ДЮСШ-4 Маладзечна. З 2017 года выступаў за юнацкія каманды “Дынама-Брэст”, у 2020 годзе правёў 4 матчы за дублюючы склад “Дынама-Брэст”, дзе вызначыўся 1 голам. У 2021 годзе перайшоў у брэсцкі «Рух», за дублюючы склад якога правёў 14 матчаў і забіў 2 галы. У другой палове сезона гуляў за «Рух» U-18, правёў 7 матчаў, дзе вызначыўся 2 галамі. У мінулым сезоне правёў за «Крумкачы» 25 матчаў, забіў 16 галоў і стаў другім бамбардзірам каманды ў сезоне.
Зычым гульцам поспехаў у сезоне!
Прэс-служба НФК “Крумкачы”
