Валерый Міхайлавіч, віншуем вас з перамогай. Пракаментуйце вынік гульні.
Вынік станоўчы. Перамагаць заўжды прыемна, тым больш выканалі задачу выхаду ў плэй-офф. Яшчэ не вядома з якога месца, але задача выканана, таму гэта вельмі прыемна. Усіх заўзятараў і гульцоў каманды віншую!
Сёння вы дэбютавалі ў складзе “Крумкачоў”. Вы гулец з вельмі вялікім досведам. Ці не хваляваліся вы перад гульнёй?
Вядома, перад кожнай гульнёй павінен быць маленькі мандраж. Гэта нічога страшнага. Галоўнае, каб з пачаткам матча гэта ўсё сыйшло. Так яно і было. Адчуваў падтрымку і з боку трэнерскага штаба, і ўсёй каманды. Так што ўсё было добра.
Расскажыце, як згулялі абаронцы. Ці дапамаглі яны вам сёння?
Мы ўсе разам згулялі добра, уся каманда згуляла добра ў абароне. Не на выдатна, але на “васьмёрку” згуляла дакладна. Два ўдары было ўсё ж.
Сяргей Васільевіч сказаў, што магчыма звернецца яшчэ да вас у афіцыйных матчах. Распавядзіце пра гэтыя планы, ці ёсць яны.
Я чую пра гэта ўпершыню. Калі патрэбна будзе мая дапамога, я не супраць. Будзем у такім выпадку рыхтавацца. І не будзем забываць, што ў нас ёсць яшчэ маладыя брамнікі, таму будзем займацца і іх падрыхтоўкай.
Як вы рыхтаваліся да гэтай гульні?
Нічога незвычайнага. Схадзіў адзін раз у трэнажорку. І два-тры дні патрэніраваўся з камандай.
Прэсс-служба НФК “Крумкачы”
Фота Аляксандра Шычко
