Забавы і эмоцыі
Крумкачы – гэта не толькі футбол, гэта настрой. Наш настрой – гэта заўсёды яркія фарбы, пазітыў і энергетыка. Усё гэта – нашы дамашнія матчы, уваход на якія не толькі па квітках, але і з абавязковым прад’яўленнем усмешкі. 🙂 Мы ж, у сваю чаргу, зробім так, каб вашыя ўсмешкі сталі яшчэ шырэй! Конкурсы і забаўкі на любы густ, колер і нават узрост, выступы музыкаў, трансляцыя ігры на вялікім экране, маса сюрпрызаў і прыемных нечаканасцяў, ну і вядома, футбол у выкананні любімай каманды – эмоцыі вашага выходнага, як энергетычны зарад на ўвесь наступны тыдзень!
Сямейная атмасфера
Крумкачы – гэта сям’я, “фантастычная і незвычайная”! Мы любім вас і памятаем аб кожным! Чакаем усіх на нашых матчах з мужамі і жонкамі, бацькамі і дзецьмі, з сябрамі і сяброўкамі! Дзеці не толькі змогуць паўдзельнічаць у конкурсах і забаўках, але і вывесці футбалістаў на поле. А наш маскот Крумка ніколі не дасць ім сумаваць. З радасцю прымем у свае шэрагі тых, хто гатовы дзяліцца сваімі эмоцыямі і настроем адзін з адным, каго не пакідае абыякавым гульня нашай каманды, хто гатовы да абмеркавання адкрытага і пазітыўнага, хто верыць у будучыню нашай. вялікай і дружнай сям’і!
Нашы шчаслівыя моманты
У нашай камандзе заўзятары, гульцы, трэнерскі штаб і кіраўніцтва – адно цэлае. Усе шчаслівыя моманты мы перажываем разам! Усё самае яркае, цікавае і запамінальнае нашы цудоўныя фатографы афармляюць у сямейны альбом! Праглядаючы яго, мы кожны раз зноў перажываем эмоцыі, атрыманыя ад нашых зносін і сяброўства. Эмоцыі, якія мы дорым адзін аднаму заўсёды, калі сям’я збіраецца разам!
